Video stikerlar, yaxshiroq reaksiyalar va boshqalar

Asl eʼlonni ingliz tilida oʻqish

Bu yangilanishda oson yaratiladigan video stikerlar, yanada ixcham animatsiyali va qoʻshimcha emojili yaxshiroq reaksiyalar, koʻrilmagan reaksiyalarni tekshirish tugmasi, yaxshilangan chatlar orasidagi navigatsiya va boshqalar taqdim etiladi.

Video stikerlar

Telegram animatsiyali stikerlari mos kelmaydigan sifat va samaradorlikka ega – har bir stiker uchun 30 KB dan kamroq maʼlumotlar talab qilinadi. Lekin bunday stikerlarni yaratish tajriba va Adobe Illustrator kabi dasturlarni talab qiladi.

Bugun oddiy videolardan oʻgiriladigan stikerlarni ham qoʻllab-quvvatlash imkoniyatini qoʻshmoqdamiz, natijada istalgan foydalanuvchi istalgan video muharrir dasturi yordamida batafsil animatsiyali stikerlarni oson yaratishi mumkin.

Har doimgidek @Stickers boti bilan toʻplamlaringizni chop etishingiz yoki boshqalar yaratgan ayrim yangi stiker toʻplamlarini qoʻshishingiz mumkin. Nima qilsangiz ham, hech qachon pomidorga qaramang.

Tafsilotlar uchun Video stikerlar qoʻllanmasi bilan tanishing.

Dasturchilar Sticker Import API vositamizdan Telegram uchun stikerlarni yaratish va import qilish maqsadida kuchli ilovalarni yaratish uchun foydalanishi mumkin.

Yaxshiroq reaksiyalar

Reaksiyalar animatsiyalari endi yanada ixchamlashdi. Kattaroq effekt yuborish uchun menyudagi reaksiyani bosib turing.

Interaktiv emojilar kabi reaksiyalar endi sinxronlanadi, natijada qabul qiluvchilaringiz animatsiyalarni real vaqt rejimida koʻradi.

Reaksiyalar nafaqat hissiyotlarni ifodalash uchun ishlatiladi, balki savollarga ham javob beradi va maʼqullashni bildiradi – shuning uchun endi ular oʻqilganlik holatiga ham ega. Javoblar yoki @ orqali zikr qilishlar kabi yangi ♡ tugma xabarlaringizda koʻrilmagan hissiyotlar boʻlganida chiqadi.

Yangi reaksiyalar va interaktiv emojilar

Bu yangilanishda Kristofer Nolan filmlaridan tortib global iqtisodiyot yangiliklarigacha istalgan mavzuda muhokama qilishingizda yordam berish uchun 5 ta yangi reaksiya qoʻshildi.

Bu reaksiyalarni interaktiv emoji sifatida ham yuborish mumkin. Istalgan shaxsiy chatga bitta yoki emojisini yuboring, keyin sinxronlangan butun ekran effektini ishga tushirish uchun animatsiyali emojini bosing.

Oxirgi ochilgan chatlar navigatsiyasi

Oʻqilmagan kanallar boʻylab yoki chatlar orasida harakatlanganda muayyan chatga qaytish uchun “Orqaga” tugmasini bosib turing. Uzatilgan xabarlar, havolalar, foydalanuvchi nomlari, profillar va boshqalardan chatlar ochilsa, ular roʻyxatga qoʻshiladi.

Boshqa tuzatish va yaxshilanishlar

Dasturchilarimiz yanvarda Telegram ilovalaridagi maʼlum muammolarni tuzatish uchun toʻliq ikki hafta sarflashdi. Masalan, chaqiruv sifati yaxshilandi, tezkor koʻrish sahifalariga (iOS ilovasidagi tarjimayi hollarga) tarjima funksiyasini qoʻllab-quvvatlash qoʻshildi, ulashish menyusidan sukut qilingan xabarlarni yuborish imkoniyati va oʻnlab boshqa yaxshilanishlar qoʻshildi.

iOS ilovasida quyi paneldagi belgini bosganingizda yangi animatsiyalarni ham sezasiz.