Гасцявыя AI-боты, чаты паміж ботамі, аўтаматызацыя чатаў, 100 мільёнаў эмодзі, пошук стыкераў, карыстальніцкія AI-стылі, статыстыка галасаванняў, бязгучныя запланаваныя паведамленні, выдаленне рэакцый

Сённяшняе абнаўленне — гэта рэвалюцыя AI-ботаў і шмат чаго яшчэ: мы дадаем больш за 10 новых функцый і сотні паляпшэнняў у Telegram:

• Вы можаце перапісвацца з AI-ботамі ў любым чаце, згадаўшы іх @username.
• Наладжвайце аўтаномныя боты, якія ўзаемадзейнічаюць з іншымі ботамі.
• Назірайце за тым, як боты вяртаюць тэкст без затрымкі падчас яго генерацыі.
• Аўтаматызуйце свае чаты, падключыўшы бота да свайго профілю.
• Стварайце і абагуляйце карыстальніцкія AI-стылі для тэкставага рэдактара.
• Шукайце сярод больш чым 100 мільёнаў эмодзі і стыкераў на 36 мовах.
• Усталёўвайце абмежаванні для галасавання ў апытаннях — паводле канала або краіны.
• Праглядайце статыстыку апытанняў, каб адсочваць галасы за кожны варыянт з цягам часу.
• Плануйце паведамленні, якія будуць дастаўлены бязгучна.
• Выдаляйце рэакцыі у суполках, дзе вы з'яўляецеся мадэратарам.

Гасцявыя боты

Telegram — гэта адзіная платформа, дзе ўсе мадэлі штучнага інтэлекту могуць свабодна спаборнічаць — у той час як карыстальнікі маюць поўны кантроль над сваёй камунікацыяй.

Боты Telegram, якія забяспечваюць аўтаматызаваныя інструменты і памочнікаў на аснове AI, цяпер можна выкарыстоўваць непасрэдна з панэлі адпраўкі паведамлення. Гэта дазваляе боту адказваць у любым чаце або суполцы — каб ён мог адказваць на пытанні, генераваць тэкст або выявы, выконваць задачы і шмат чаго яшчэ.

Каб згадаць бота, які падтрымлівае гэтую функцыю, проста напішыце яго @username у сваім паведамленні. Пасля апрацоўкі вашага запыту бот адкажа непасрэдна ў чаце, дзе вы яго згадалі.

Каб уключыць рэжым госця ў сваіх ботах, распрацоўшчыкам прапануецца азнаёміцца з гэтым кіраўніцтвам.

Боты маюць доступ толькі да пэўнага паведамлення, у якім яны адзначаны, і да любых адказаў на гэтае паведамленне. Боты не могуць бачыць, якія карыстальнікі знаходзяцца ў чаце, і не маюць доступу да іншых паведамленняў.

Узаемадзеянне паміж ботамі

З гэтым абнаўленнем боты цяпер могуць адказваць іншым ботам, а не толькі карыстальнікам. Аматары штучнага інтэлекту могуць выкарыстоўваць гэта для аўтаматызацыі працоўных працэсаў з дапамогай цалкам аўтаномных агентаў.

Каб уключыць зносіны паміж ботамі і даведацца больш пра гэтую функцыю, глядзіце гэты гайд.

Паступовая перадача тэксту для ботаў

Для зручнасці карыстання боты могуць перадаваць адказы падчас іх генерацыі — замест таго, каб чакаць поўнага паведамлення перад адпраўкай.

Апошнія абнаўленні Bot API зрабілі гэта яшчэ больш эфектыўным: адказы сталі хутчэйшыя і атрымалі новыя анімацыі.

Аўтаматызацыя чатаў у профілях

З гэтым абнаўленнем кожны карыстальнік Telegram можа падключыць бота да свайго профілю — і дазволіць яму адказваць на паведамленні ад свайго імя.

Пры падключэнні бота вы наладжваеце, да якіх чатаў ён можа мець доступ — напрыклад, забараніць доступ да чатаў з вашымі кантактамі, або дазволіць адказваць толькі на новыя чаты.

Каб падключыць бота да свайго профілю, перайдзіце ў Налады > Аўтаматызацыя чата.

Карыстальніцкія AI-стылі

Цяпер любы карыстальнік можа выкарыстоўваць уласныя інструкцыі, каб ствараць унікальныя стылі ў AI-рэдактары. Гэта дазваляе камандам лёгка стандартызаваць тэкст для допісаў і рэкламы, а суполкі могуць ствараць стылі з мемамі для сваіх удзельнікаў.

Кожны карыстальніцкі стыль мае спасылку для абмену, якая дазваляе іншым карыстальнікам праглядаць стыль, ствараць прыклады і адразу дадаваць яго ў свой тэкставы рэдактар.

Каб стварыць уласны AI-стыль, націсніце кнопку «Стварыць» на ўкладцы «Стыль» у AI-рэдактары.

Пашыраны пошук эмодзі і стыкераў

Больш за 100 мільёнаў эмодзі і стыкераў, створаных карыстальнікамі Telegram, цяпер можна лёгка знайсці з дапамогай пошукавай функцыі ў панэлі стыкераў. Пошукавы радок падтрымлівае ключавыя словы на 36 мовах — і хутка будзе дададзена яшчэ больш.

Пошукавая функцыя працуе на аснове асобна створаных мадэляў штучнага інтэлекту, якія працуюць у Cocoon Network і дазваляюць эфектыўна сканаваць і пазначаць мільёны публічных стыкераў, што штогод ствараюцца карыстальнікамі Telegram.

Каб хутка стварыць уласныя стыкеры, скарыстайцеся ўбудаваным рэдактарам стыкераў або загрузіце свае малюнкі праз @Stickers Mini App.

Статыстыка апытанняў

У апытаннях у групах і каналах цяпер адлюстроўваецца інтэрактыўны графік для адміністратараў, які адсочвае колькасць галасоў за кожны варыянт з цягам часу.

Статыстыка апытанняў становіцца даступнай пасля таго, як апытанне набярэ 100 галасоў.

Карыстальніцкія абмежаванні для апытанняў

Адміністратары каналаў цяпер могуць усталёўваць карыстальніцкія абмежаванні на ўдзел у апытаннях — дазваляючы ўдзельнічаць толькі падпісчыкам або толькі карыстальнікам з пэўных краін.

Каб усталяваць абмежаванні для вашага апытання, уключыце 'Абмежаваць для падпісчыкаў' або 'Абмежаваць па краіне' у наладах апытання.

Бязгучныя запланаваныя паведамленні

Паведамленні, якія вы загадзя плануеце, цяпер могуць быць дастаўлены бязгучна — так што вашы абнаўленні і напаміны не будуць турбаваць атрымальніка.

Каб адключыць запланаванае паведамленне, утрымлівайце кнопку «Адправіць», выберыце «Запланаваць паведамленне» і затым націсніце на значок .

Выдаленне рэакцый

Кіраўнікі суполак цяпер могуць выдаляць рэакцыі ад канкрэтных карыстальнікаў, каб зрабіць мадэрацыю яшчэ прасцейшай. Пры выдаленні рэакцыі кіраўнікі таксама могуць выбраць выдаліць усе рэакцыі гэтага карыстальніка ўсяго за два націскі.

Каб выдаліць рэакцыю, дакраніцеся або ўтрымлівайце паведамленне, яшчэ раз дакраніцеся, каб разгарнуць спіс рэакцый, затым утрымлівайце, каб выдаліць рэакцыю.

Сотні выпраўленняў памылак

Дзякуючы паведамленням карыстальнікаў на Платформе памылак і прапаноў Telegram, нашы распрацоўшчыкі змаглі зрабіць больш за 200 паляпшэнняў ва ўсіх дадатках Telegram.

Хай вясна радуе вас, а пакуль што нашы распрацоўшчыкі і AI-агенты працуюць, каб прынесці вам яшчэ больш радасці.

7 мая, 2026
Каманда Telegram